مصافي المصلحة

بقلم / علاء الدين علي

مصافي المصلحة

*****

أنصحك يابني

متبقاش زي أبوك

حلم اليوتوبيا مستحيل

يبقى أمل

زيِّف كلامك وإنتِهِك

قبل أما تبقى المُنتهَك

خلي المبادئ ع اللسان

وإبني الحواجز للسما

بينها وبين نبض الشعور

خليك في جهلك محترف

تعرف علوم

واحذر ف ضعفك تعترف

إنك جهول

إتعلم الشئ الوحيد

اللي غاب الوعي عنه ف راس أبوك

واعرف أصول الفهلوة

بيع الهوا

بيع السمك

في البحر ساعة هجرته

بيع البشر

اللي نزلوا من مصافي المصلحة

بس لازم غصب عني أأمرك

كُلْ أبوك

وأما يسأل حد عنه يعرفه

إسخر وقول الإسم دا

كام حرف ف شهادة الميلاد

يابني أرجوك حسها

عشان تعيش هذا الزمن

عزم وكرامة وأبهة

على قد أرصدة البنوك

******