للزمن بصمات

بقلم الشاعرة/مرفت حمودة 

نائب رئيس نقابة شعراء مصر 

زمن بصمات

ياطول بالي وانا قاعدة
تمر أيامي بصعوبة
مانيش عارفة لفين رايحة
واهي ايام ومحسوبة
ساعات اصحي الاقيني
باحب الهمسة لو عدت
وأوقات عاوزة مااصحاش
وعاوزة النومة لو مدت
ابص لروحي في مرايتي
ألاقي للزمن بصمات
تمر الذكري في حكايتي
وبين طياتها ألقي آهات
لكن برضه هناك بسمة
بترسمها حياتي ساعات
ده لما يطوفوا حواليا
ثمار عمري كما الفراشات
والاقي زهورها تتفتح
وتملا اوقاتي بالضحكات
باشيل الذكري ف احضاني
واروح أجري أجاريهم
واحاول انسي احزاني
ولو زعلوا اداديهم
أتاري العمر خادعني
وليل ونهار يلاوعني
ويجري بسرعة يسبقني
فاكر انه هيوجعني
ما هم ليا وانا ليهم