توب السعادة

بقلم الشاعرة / ميادة الحداد

الشاعرة /ميادة الحداد

توب السعادة

………………………………………..

توب السعادة ف القلوب

الوان كتير شغلاه

 

ما يكفنيش بحرين حروف

لأجل إن اعوم وياه

 

فرحة  دموعى  لحظة

خشوعى ولذة المناجاة

 

محلاها سجدة وسط الليالى

ما بين ايادي الله

 

لما اشكى حالى ابكى بسؤالى

والدمع يملى العين

 

والقى الأجابة فى فجر طارح

ف نفسى عزة وجاه

 

توب السعادة ف صوت

وليدى لحظة ما قولت الآه

 

دفوه ف حضنى ولعمره

خدنى زود حياتى حياه

 

خطيت كتابه عفة شبابه

لا مره غاب ولا تاه

 

لما نداله وطنه ف جاله

وف ثانية لبى نداه

 

يحمى ترابه ويكون جوابه

ويكون له درع وسيف

 

فى العين يشيله هرمه

ونيله وروحه تبقى فداه

 

توب السعادة فى نفس

راضية وحب بين الناس

 

فى كلمة صافية وضحكة دافية

فى الصدق والأخلاص

 

فى شوقه لأمى وحنان ابويا ورقة الأحساس

 

فى حضن جوزى وعش هادى ..أعوذ من الخناس

 

يعنى الإفادة إن السعادة مش بس ف الأحلام

 

طب صدقونى وحياة عيونى مش كلمتين وخلاص