التنوير – eltanwer ثقافه وفنون
بقلم الشاعر / حاتم مرعي
حبة هوا يزقوني
……………….
إيديَّ مش طايله السما
رجليَّ مش طايله الأرض
وحرارة يوليو ..
بتسيَّح نفوخي
محتاج حبة هوا يزقوني
على كرسي فى السحاب
اشم ريحة الغاز ،
وعرق البني آدمين ،
واسمع دوشة الأطفال ،
وثرثرة الجيران ..
من فوق
محتاج صدر بارد حنين
اقضي عليه الصيف
ونفس طويل
يهدي أعصابي
وارتاح م التفكير
فى لاشئ
حد عارف
هاسكن نجمه بعيده
أو حُفره ..
على أد جسمي ؟.
…………………
