التنوير – eltanwer ثقافه وفنون
بقلم الشاعر / محمود جمعه
و كأنى راجع لسا (م) المريخ
الأرض مش طاهرة
و أنا ببوس حطة قدم أمى
و ادعيلها تهجرها للسما السابعة
روحة بلا رجعة
الأرض مش طاهرة
و انا اللى لسا بعفر الجبهة
ساعة الصلاة و سجود
و الأرض مش بتجود
غير بالنوافل
و بتنسي كل الفروض
و كأنى راجع لسا (م) المريخ
أرض الميدان حمراء
يا الدم فى مظاهرة
الأرض دى طاهرة
نزلوا الملايكة رفعوها لسابع سما
حطوها جنب اخواتها ع المريخ
بعد ما كتبوا عليها الأسامى
و الأمانى
و التواريخ
و كأنى راجع لسا (م) المريخ
الأرض سكانها أمم مساخيط
عفاريت تطفّش العفاريت
و حشود شعوب من الأغبياء
و الأولياء
و الأشقياء
و الألوية
و البيادات الحديد
خدعت نفسي بأنى اتولدت جديد
كما كل مولود اتولد
مليت فضا السماوات
بالبكا و صريخ
و كأنى راجع لسا (م) المريخ
و الأرض منفى للى يعصى الرب
فى السلم أو فى الحرب
قال ربنا كونى
فكانت
قبر للأنبياء
جنة للأغبياء
سجن للمظاليم
لملمت وشى المبعتر
على الأرصفة
و دعيت يارب الكواكب
رجعنى للمريخبق
