التنوير – eltanwer ثقافه وفنون
بقلم الشاعر/ حاتم مرعى
سيبوا اللجام ل الليل
الليل..
على أد الغلابه
حصان أماني ينطلق مايعود
ياقلبي يامهدود
كل اللي جاى فتافيت
فى دنيا قلابه
ياشمس ياغابه
سيبي اللجام ل الليل
الليل..
على أد الغلابه
استر ياليل روحنا
وارمي البدن للنور
ياحلم طوحنا
وسط السنين البور
دايرين فى دايرة صهد
ولحد إمتى ندور
شايلين هموم الأرض
والشيله كدابه
سيبوا اللجام ل الليل
الليل..
على أد الغلابه ..
