التنوير – eltanwer ثقافه وفنون
بقلم الشاعر / محمد سيد أحمد
عيل صغير
عيل صغير وعايز م الزمن ده كتير
عينه الصغيره بصيرة والأب أصله فقير
كان الولد ناصح والأب كان فقرى
سأله سؤال واضح وكان صريح دوغرى
فين شبشبك يابا مش شايفه طول عمرى
وفين مكان جذمتك شايلها فين قول لى
الأب قال له يا ابنى فى الكون كتير أسرار
ده البحر شال السفينة وما قدرش ع المسمار
سبع عيال وامهم قاعدين على اكتافى
علشان أجيب أكلهم لازم أعيش حافى
