وبتصادف

بقلم الشاعر/ محمد سيد

وبتصادف يا دنيا قلوب
يادنيا وماشية بالمقلوب
ساعات نقسى
وساعات بندوب
ولازم نرضى بالمكتوب
وبتصادف معايا كتير
أقابل ناس ماتعرفنيش
قلوبهم صافية زى الطير
بمال الدنيا ماتبعنيش
ويسعوا لى ف طريق الخير
وعند الشدة ما تسيبنيش
وبتصادف
وبتصادف قلوب تانية
تبيع العشرة وف ثانية
تكون نسيت أعز عزيز
بلاش نعتب على الدنيا
وياما كتير وهاتصادف
قلوب صافية وقلوب تانية