النزف على وتر الحنين للشاعر سمير فرج الله

رقى ورقيلى ورقرقى ضيك / فى ننى
اطمئنى
إن تخطى / خطى لى / من بين حبال الصوت وطيب
اسكنينى
كما سكنت آيات الله
على صدر النبى
( الأوله بمدح طه / المصطفى خير الأمة )
خطيلى من الشرايين : للشرايين
ومن الأوردة: للأوردة
صبى فى الخلايا
اتفتتى فى كل / / الزوايا
وانتشرى
فى جوف الصمت – تتولد القصيدة
( أحن شوقا لديار
رأيت فيها جمال سلمى )
أبدأك من فوق جبين الكون
وراضى بالبنفسج لما يبهج
والعسل يبرح مكانة للشفايف والخدود
ارتقب رص النجوم
دغدة نسمة ربيعك
للسحب //- بتمطرى
تتمخطر الريح للشوارع
انطوى بعبق الرصيف
( مركب حبيبى فى البحر جاية – طية قلوعها
طية بطيه بتعوم وتغرق فى شبر مية )
تتشكل الخطوات / مرافق للبحور
مازلت واقف بنتظر
طلق المراكب لما تحبل بالرجوع
ملو الحنايا بسملة
بتنز من وسع الرحيق
لمسة صوابعك ع الوتر
وأنا بنزف العزف البدائى للحنين
( يا صالحة يا صلوح يا شمعة القلب والروح
من فين آجى ومنين أروح
وأنا على الفرش مطروح )
للحب موسم وللمواسم أجنحة
وأنا كنت راسم ع الشواهد مركبة
وتلات خطوط فوق بعضها متركبة
وموج وناس
عشقك صوانى الحنة والشمع أما بيسيح ع النحاس
( لح لاح ايه يا لح لاح ايه )
وأنا كنت إيه من أد إيه
ساعت ما كان الموج / بيحفر ضحكته
لغاية عنيه
ينشق بحرك لما يلضم / فى الفضا ملحات
وأنا كنت بصطاد السكات
حادف جبينى ما بين شفيفك
دايب ورا غزل البنات
( يا دلال شعره / على ضهره حصل الأكعاب
يا رمان صدره / على صدره مزع القمصان )
يا جوز عيون علمتها عشقى
وعشقت ف عيونك سبيل
اشتقت للجيد إللى طالع ينتشى
ويخطى بين قلبى الوليد / وبين مطر زخات
بتنضب على وش النافورة
وزقزقات عصافير وصوره
وسبع / على كرت المعايدة
وشارع / كانت فيه تخطى
موجه // بتداعب سفينة
( حبيت أنام ما بين صدره
قلى كلام يا عينى
صبرك على : )