جيوكاندا النهاردة

بقلم..علاء الدين علي

*********

من وجدان الصورة قبالي

جوا كيان الضحك مدارية

ميت دمعاية

عايزة تطولي العشق الغالي

عند سماكي ‏‎

شايلك طير الحزن —

الرابط نفسه ف شجرة

فيها العش الهادي الميت

لما إحتله ميت صياد

شايف مينا ف ساعة إيدك

من غير مرسى

سايبة عقارب تلدغ فيكي

دايما حملك على باب قلبك

أهة ودمعة حسيت بيها

زي مخدة نومك وإنتي

نايمة بتبكي

نفسك حد يبص لقلبك

حلم الدنيا تحسي بإنه

قبل جمالك حسك روح

عاشقة اللون الغامق دايما

أصلك لون الصفا ف الدنيا

قلب بريحة الفل كيانة

دايما حاسس أمل الفرحة

مع انها جاية ف قطّارة

نقطتها تنزل ف سنين

أما بحور الحزن المرة

دايمة معاكي ف الفيضان

وبرغم إن الضي فعينك

لسة ما شفش الشوق جوايا

من عينك حاسس بحياتك

وانتي معايا مجرد صورة

حتى الصورة بتنطق قالت

الإحساس بالذنب ف روحك

سر عذابك

*******