التنوير – eltanwer ثقافه وفنون
آخر محاولات الالتئام
كان الشغف ايامها يم البحر
ريحة نسيم من طلتك مالح
أبدر سلام على كفك الطيب
يطرح بلد خطاويها لامبارح
… كان كل حاجه زيها ياما …
“ياعزيز عيني “..
انا بدي اروح للوطن وياك
”
من كل حادث يتبري مشهد
سيما و تجارب تتحكي ناقصه
الكدمه نجمه والوجع يشهد
دهشه وعوايد تهجرك راقصه
… كان كل رقصه زيها ياما …
” اهواك ”
– طب اد ايه
– مش اد حاجه محدده حاباك
ايه اللي جرح فطرتك و الحس ؟
الناس مراحل والألم تبت
كل اما اعيط للسما واشكي ..
– عينك بتقلع دمعه بتنبت؟
…. كان كل دمعه زيها ياما ….
…. كان كل ذكرى زيها ياما ….
كان بينا حاجه بتشبه الحواديت
سيرة الندى والصبح بينادي
اتنفسوا لذة شروقي البكر
شعرك طويل ف الحلم يامحلا
لمي الضلام من ضهرك النادي
قال الولد .
ما أعذب اللي اتقال!
كانت سفينه من بعيد جايه
من كل عشق ازواج بيتزفوا
كنا سوا نصين مابيكفوا
لو يبقوا واحد او يضلوا اتنين
وانا ياعزيز العين
انا بدي أروح، والوطن وياك
…. جوايا كنتي مازيكيش ياما ….
صفاءأبوصبيحة
من ديوان:من بلادأطرافهابردانة
معرض القاهرةالدولي للكتاب 2020
